Қазақстанның Қарулы Күштерінде қару-жарақ пен әскери техниканы қысқы пайдалану кезеңіне көшіру жөніндегі ұйымдастыру жұмыстары жүргізілуде.
Қару-жарақ пен әскери техниканы дайындау жөніндегі жұмыстар кестеге сәйкес жүргізілуде және 10 қарашаға қарай аяқтау жоспарлануда. Белгіленген мерзімде 17000-нан аса бірлік әскери және арнайы техникаға қызмет көрсету, қару-жарақтың жай-күйін тексеру және анықталған ақаулықтарды жоюға тура келеді. Қазіргі уақытта техниканы қысқы кезеңге көшіру жөнінде жұмыстың 70%-дан аса көлемі орындалды.
Құрамалар мен әскери бөлімдерде барлық санаттағы әскери қызметшілермен жауынгерлік машиналар парктерінде маусымды жұмыстарды ұйымдастыру, сондай-ақ техникада жұмыс істеу кезінде қауіпсіздік шараларын сақтау жөніндегі көрсетілімді сабақтар өткізілуде. Маусымдық жұмыстарды жүргізу кезінде жауынгерлік және арнайы техниканың, сондай-ақ жеке құрам мен қауіпті жүктерді тасымалдауға арналған автомобильдердің техникалық жай-күйіне ерекше назар аударылатын болады.