Әкімшілік құқық бұзушылық, яғни әкімшілік теріс қылықты болдыртпау бойынша түрлі шаралардың қолданылып жатқанына қарамастан, әсіресе жол жүру ережелерін сақтау, қоғамдық орындарда тәртіпті сақтау, жеке тұлғаның абыройына нұқсан келтіру бойынша құқық бұзушылық әлі де болса қоғамда орын алуда
Осы орайда әкімшілік құқық бұзушылықты түп-тамырымен жою жолдарын қолдану мақсатында түрлі іс-шаралар қарқынды өткізілуде. Осындай іс-шаралардың бірі – «Әкімшілік құқық бұзушылыққа нөлдік төзімділік» акциясы аясында бөлім жеке құрамымен жеке әңгімелесулер мен дәрістер санитарлық нормаларды сақтай отырып өткізілді. Іс-шаралар барысында әскери қызметшілерге түсінікті болу үшін әкімшілік құқық бұзушылық дегеніміз не, оның түрлері, салдары, жауапкершілігі, әкімшілік заңнамаларының, жол жүру ережелерінің, ҚР «Жол қозғалысы туралы» Заңының талаптарына басты назар аударылып, түсіндірілді. Әкімшілік құқық бұзушылықты түп-тамырымен жою үшін әр әскери қызметші жеке жауапкершілікті саналы түрде сезінуі тиіс.
Капитан Н.СЕРІКЖАНОВ,
31767 әскери бөлімі
