ҚР ҚК әскери бөлімдерінде 2019 жылғы Армиялық халықаралық ойындар шеңберінде әскери аспазшылар мен наубайшылардың «Далалық ас үй» халықаралық байқауына әрі қарай қатысуы мақсатында үздік командаларды анықтау үшін іріктеу сайысы өтуде.
Ережеге сәйкес «Далалық ас үй» сайысы екі кезеңді қамтиды. Бірінші кезеңде әскери аспазшылар мен наубайшыларға оқ ату даярлығы бойынша шеберліктерін паш етуге тура келеді, ал екінші кезеңде тағам дайындау және нан-тоқаш өнімдерін пісіру бойынша команда құрамындағы сайыс өтеді. Сол кезде әрбір қатысушының кәсіби дайындық деңгейі анықталады. Сайыс қорытындысы бойынша ағымдағы жылғы тамызда Ресей Федерациясының «Алабино» полигонында еліміздің Қарулы Күштерінің намысын қорғайтын үздік команда іріктелетін болады.