Осыдан 24 жыл бұрын, нақтырақ айтқанда 1993 жылдың 19-қаңтарында еліміздің Президенті – Қазақстан Қарулы Күштерінің Жоғарғы Бас Қолбасшысы Н.Назарбаевтың №1084 Жарлығымен командирлердің тәрбие және әлеуметтік-құқықтық жұмыс жөніндегі орынбасарлары институты құрылған болатын.
Сол уақыттан бастау алған аталмыш институт төл әскерімізде жыл санап қанатын кеңге жайып келеді. Әсіресе, Қарулы Күштеріміздегі жауынгерлерді отансүйгіштік рухта тәрбиелеу ісінде атқарып жатқан жұмыстары орасан. Сондықтан осы салада қажырлы қызмет етіп келе жатқан барша әскери қызметшілерді бүгінгі төл кәсіби мерекелерімен құттықтаймыз. Сондай-ақ, газетіміздің бүгінгі кезекті санында олардың жұмысын жан-жақты жазып көрсетуді жөн санадық.
