Кадет корпусының базасында взвод сержанттарының біліктілігін арттыру курсы өз мәресіне жетті.
Курстық даярлық атқарып отырған лауазымдары көлемінде әскери білімдері мен практикалық дағдыларын жетілдіруге бағытталған кәсіби деңгейді, біліктілік пен қайта даярлықты арттыруды қамтитын әскери қызметшілерді кәсіби оқытудың нысаны болып табылатынын айта кету қажет.
ҚР ҚК Бас штабы Сержанттар құрамымен жұмыс басқармасы сержанттар құрамын даярлау бөлімінің бастығы шебер-сержант Павел Шишкиннің айтуынша, ағымдағы жылы взвод сержанттарының курсы жетілдірілген бағдарлама бойынша өткізілуде. Ол бағдарламаға сержанттар корпусының құрылу мен даму тарихы, көшбасшылық, кеңес беруді ұйымдастыру, сабақтарды дайындау және өткізу әдістемесі сияқты тақырыптар енгізілді. Ағымдағы жылы біліктілікті арттыру курсын оқуға әртүрлі буындағы 500-дей сержант жоспарланып отыр.
