Жауынгерлік даярлық департаментінің бастығы генерал-майор Алмаза Жұмакеев бастаған инспекциялық топ қазақстандық бітімгершілік ротаны тексеруді жүзеге асыру үшін Ливан Республикасына келді.
Топ қазақстандық бітімгершілік ротаның жауапкершілік аймағындағы ағымдағы жай-күйімен, қазақстандық бітімгершілердің моральдық-психологиялық жағдайымен танысып, қарудың, оқ-дәрілер мен шығарылған мүліктің жай-күйін тексерді, сондай-ақ бөлімшелердің ротациялануының ұйымдастырылуы бойынша мәселелерді нақтылады. Үш жарым ай бойы қазақстандық бітімгершілік полкі құрама бітімгершілік ротасының 120 әскери қызметшісі Ливандағы БҰҰ-ның уақытша күштері үнді батальоны құрамында БҰҰ-ның мандатына сәйкес бейбітшілік пен қауіпсіздікті сақтау жөніндегі тапсырмаларды сәтті орындап жатқанын айта кетейік.
