Қазақстан Республикасының Бас әскери прокуроры Ерғали Серікбайұлы Мерзадинов Өскемен гарнизонының әскери қызметшілерімен кездесті.
Өскемен гарнизонына қарасты әскери құрылымдар мен бөлімдердің қолбасшылықтары шақырылған кездесуде ҚР Қарулы Күштерінде, өзге әскер мен әскери құрылымдарда құқық бұзушылықты ескерту және алдын - алу жөніндегі 2016-2018 жылдарға арналған Ведомствоаралық Бағдарламаны жүзеге асыру барысы талқыланды. Осы мақсаттағы іс-шараларды бірігіп шешуде жергілікті мекемелер мен құқық қорғау органдары арасындағы өзара байланыстың мәселесіне мән берілді. Гарнизондағы әскери қызметшілерді әлеуметтік жағынан қамтамасыз ету мен құқық тәртібінің жағдайы да қаралды. Бас әскери прокурор Ерғали Мерзадинов ҚР Қарулы Күштерінде, өзге әскер мен әскери құрылымдарда құқық бұзушылықты ескерту және алдын - алу жөніндегі 2016-2018 жылдарға арналған Ведомствоаралық Бағдарламаны жүзеге асыру жөніндегі жұмыстарды белсендіруге күш салынып, басты назар заңдылық пен құқық тәртібін сақтауға бөлінетіндігі туралы шешім қабылдады.
