Семей қаласы Мемлекеттік медицина университетінің әскери кафедрасында оқитын студенттерді іріктеу байқаудың негізінде жүргізілді.
Әскери кафедрадада оқитын студенттерді іріктеу жөніндегі комиссияның жұмысы ҚР Қорғаныс министрінің орынбасары – ҚР ҚК Бас штаб бастығының 2018 жылғы 3-ші қыркүйектегі бұйрығының негізінде жүзеге асырылды. Әскери кафедрада білім алатын жастарды іріктеу үшін байқау төрт кезеңнен құралды. Үміткерлер алдымен әскери-дәрігерлік сараптаманы өткізудің ережесіне сәйкес, медициналық куәландырудан өтті. Бұдан соң кәсіби-психологиялық тестілеу, одан әрі дене әзірлігі бойынша тексеру болды. Соңғы кезеңді іріктеу комиссиясының мәжілісі қорытындылады.
Бұл әскери кафедра жыл сайын еліміз Қарулы Күштерінің қатарындағы қызметке шақыруға жарайтын қордағы медицина қызметінің шамамен 100 офицерін дайындап шығарады.
