36739 әскери бөлімінің Шымкент қаласы әуе қозғалысын басқару аудан орталығында 2018 жылдың қазан айында өткізіліп жатқан «Жемқорлықсыз армия» акциясына сәйкес Шымкент гарнизоны Әскери полициясының әділет майоры Марат Абубакировтың қатысуымен ҚР Қарулы Күштерінде сыбайлас жемқорлыққа қарсы іс-қимыл мәселелері бойынша дөңгелек үстел өткізілді.
Іс-шара барысында сыбайлас жемқорлық ұғымын, сыбайлас жемқорлық көріністерінің дәйектерін кездестірген кездегі іс-қимылдар тәртібін, сондай-ақ, осындай дәйектерге жәрдемдескені үшін жауаптылықты түсіндіру, насихаттау жұмыстары өткізілді.
Еліміз Қарулы Күштерінде мемлекеттік органдармен бірлесіп жасалатын насихаттау жұмыстары сыбайлас жемқорлық көріністерінің азаюына септігін тигізуде.
Кіші сержант Нәбира Хожакелдиева
36739 әскери бөлімі