Елордада балалар арасындағы сурет салу конкурсының жеңімпаздары марапатталды

Нұр-Сұлтан қаласында Халықаралық балаларды қорғау күніне орай, ел Тәуелсіздігінің 30-жылдығы аясында өткізілген «Отан отбасынан басталады» атты балалар арасындағы сурет салу конкурсының жеңімпаздары марапатталды.

Бас штаб бастығының бірінші орынбасары генерал-лейтенант Марат Құсайынов байқаудың үздік жұмыстарының авторларына марапаттар табыс етті.
– Сіздер ата-аналарыңыздың ғана емес, бүкіл елдің болашағысыздар.  Еліміздің ертеңі және игі істерді жалғастырушысыздар. Ел болашағы сіздердің қолдарыңызда. Бүгінгі мерекелеріңізбен құттықтаймын! Зор денсаулық пен білім жолында табысқа жетуге тілектеспін. Туған жердің – Қазақстан Республикасының лайықты азаматтары мен патриоттары болыңыздар, –деді ол қатысушыларға арнаған сөзінде.
«Отан отбасынан басталады» атты байқау 2021 жылғы 1 сәуірде басталды. Еліміздің әрбір өңіріндегі әскери қызметшілердің 3 пен 17 жас аралығындағы мың жарымнан астам баласы бұл байқауға суреттерін жолдаған болатын. Жұмыстар «Қазақстан – бейбіт ел», «Менің әкем – менің қаһарманым», «Біз батырлардың ерлігін мәңгі есте сақтаймыз» атты үш аталым бойынша ұсынылды.
Жеңімпаздар мен жүлдегерлердің есімдері Қорғаныс министрлігінің ресми сайтында жарияланды. Ал қатысушылардың суреттері елордадағы арнайы көрмеге енді.
Қарулы Күштерде өскелең ұрпақпен жұмыс жасауға ерекше көңіл бөлінеді. Әскери қызметшілердің балаларының бос уақытын ұйымдастыру, дарынды балаларды қолдау үшін  гарнизондарда сурет салу, хореография, музыкалық аспаптарда ойнау, ән, қолөнер, шет тілдерін үйрену бойынша шығармашылық үйірмелер жұмыс атқарады. Балалар жүзу, гимнастика, футбол, волейбол, теннис, жекпе-жек өнері, шахмат, ұлттық спорт түрлері бойынша спорт секцияларына қатысады.
Қазіргі таңда әскери қызметшілердің 5 200-ден астам баласы 474 үйірме мен спорт секциясына барады. Елдегі 7 000-нан астам әскери-патриоттық клуб, «Жас сарбаз» сыныптары және «Smart Sarbaz» үйірмелері 214 мыңнан астам баланы біріктірді.



Көшірмеге қайта келу

Жүгіртпе / Лента

ПЗРК: история, виды, перспективы

ПЗРК: история, виды, перспективы

ПТРК "Джавелин" - копье-убийца танков

ПТРК "Джавелин" - копье-убийца танков