Семей геологиялық-барлау колледжінің студенттері «Шығыс» өңірлік қолбасшылығының 44736 әскери бөлімінде болды.
Бөлім командирінің тәрбие және идеологиялық жұмыстар жөніндегі орынбасары майор Думан Біләлов студенттерді бақылау-өткізу пунктінен қарсы алды. Ол әскери бөлімнің құрылу тарихынан қысқаша мағлұмат беріп, бүгінгі күнге дейінгі жетістіктерін баян етті. Жас жігіттер казармаларды аралады. Жаттығу залында болып, әскери бөлімнің спорттық іс-шаралардағы жеңістерінен де хабардар болды. Әскери бөлімде жауынгерлер үшін барлық жағдайдың жасалғанына қуанды. Ашық есік күнінің соңында естелікке суретке түсіп, шынайы әскери өмірді көруге мүмкіндік берілгені үшін алғыстарын да айтты.