Атырауда жыл сайынғы «Аtyrau Mаrаthон 2019» қайырымдылық жүгіру өз мәресіне жетті. Оған «Батыс» өңірлік қолбасшылығының 50-ден аса әскери қызметшісі қатысты.
Биылғы жылғы жаппай жүгіру Қазақстанның барлық өңірлері мен шетелден үш мыңға жуық қатысушының басын қосты. Қатысушыларға 42, 21, 10, 3 және 1,2 шақырымды жүгіріп өтуге тура келді. 3 км қашықтықта «Батыс» ӨңҚ әскерлері қолбасшысы басқармасының офицері подполковник Т. Ахметов жеңімпаз атанды. Жүлдегерлер үштігіне Атырау гарнизоны әскери полиция бөлімшесінің әскери қызметшісі аға сержант А.Иманов ілінді. Жеңімпаздарға ақшалай жүлделер мен сыйлықтар бұйырды. Барлық қатысушылар естелік медальдарға ие болды.
