"Батыс" өңірлік қолбасшылығы 41433 әскери бөлімінде "Қазақстан армиясындағы бір күн" атты ашық есік күні өтті, деп хабарлайды Sarbaz.kz.
Шараның мақсаты өскелең ұрпақты әскери патриоттық тәрбиеге, отансүйгіштікке баулу. Оған Атырау қаласының және Махамбет ауданынынң 9-10 сынып оқушылары қатысты. Жасөспірімдер мерзімді қызметтегі сарбаздардың күнделікті тыныс-тіршілігімен танысты. Атап айтқанда, далалық жатақ үй-жайымен, сарбаздар асханасымен және әскери техника түрлерімен, қару-жарақ түрлерін тамашалады.
Шара соңында аға лейтенант Жасулан Жекібаевтың 1 арнайы мақсаттағы террорға қарсы барлау ротасының жеке құрамы "Батылдық, өжеттілік, қайсарлық" сабағын көрсетіп, оқушыларды таң қалдырды.
Мұндай іс-шара аталмыш әскери бөлімде тоқсан сайын өткізіліп тұрады.