Құрлық әскерлері Әскери институтының базасында Құрлық әскерлері мен әскери полиция батальондарының сержанттарына курстық даярлықтан өткендері туралы сертификаттар табыс етілді.
Курстық даярлық – бұл батальондық буын сержанттарына күнделікті қызметте жеке құрамды басқару үшін қажетті білім мен шеберлікті беретін оқытудың маңызды кезеңі болып табылады. Бақылау сабақтарының қорытындысы бойынша батальондық буын сержанттар тактикалық, атыс және дене даярлықтары бойынша сынақтарды сәтті тапсырды. «Оңтүстік» ӨңҚ әскери қызметшісі 2-сыныпты сержант Арман Жампейісов анағұрлым жоғары нәтижелер көрсетті. «Әскери қызметшілер аталмыш курста білімге деген жоғары талпыныстарын танытты. Сержанттар құрамы үнемі өздерінің жоғары тәртіптіліктерімен ерекшеленеді. Бұл жиын соңының нәтижелері бойынша кезекті рет дәлелденді», - деп хабарлады Құрлық әскерлері Әскери институтының сержанты 1-сыныпты сержант Ілияс Хабдулданов.