29 қыркүйекте Бас әскери прокурор әділет генерал-лейтенанты Ерғали Мерзадиновтің азаматтар мен заңды тұлғалардың өкілдерін жеке қабылдау өткізу және әскери жұртшылықпен кездесу үшін Өскемен гарнизонына шығуы жоспарланған, деп хабарлайды sarbaz.kz.
Бас әскери прокурордың жеке тұлғалар және заңды тұлғалардың өкілдерін жеке қабылдауы 2016 жылдың 29 қыркүйегінде сағат 14.30-да Шығыс Қазақстан облысы, Өскемен қаласы, Увалиев көшесі, 4 мекен жайы бойынша өткізіледі.
Бас әскери прокурордың жеке қабылдауына тілек білдірген жеке тұлғалар және заңды тұлғалардың өкілдері Бас әскери прокуратураның 8 (7172) 71-28-27 телефоны немесе 7172827@prokuror.kz электронды адресі арқылы, сонымен қатар Өскемен гарнизонының әскери прокуратурасында 8 (7232) 61-40-72 телефоны бойынша жазылуға болады.
