Жақында 29011 әскери бөлімі және оған бағынысты 25425, 21814 әскери бөлімдер мен бөлімшелер арасында «Тіл – татулық тірегі» атты байқау өткізілді.
Байқауға төрт топ: 21814 әскери бөлімі, материалдық-техникалық қамтамасыз ету батальоны және штабтық батальон қатысты.
Сайыс барысында қатысушылар кәріс, украин, өзбек, грузин ұлттарының киімін киіп, сахнаға шықты. «Таныстыру», «Сөз тапқанға қолқа жоқ», «Өнерлінің өрісі кең», «Мақал – сөздің мәйегі», «Өлең – сөздің патшасы..» кезеңдерінде олар өнерлерін паш етті. Солардың ішінде 21814 әскери бөлімі «Өнерлі жігіттер» номинациясымен марапатталды.
Іс-шараның соңында залдағы әскери қызметшілер мен қонақтар, байқау сайыскерлері «Атамекен» әнін хормен орындады. Бағдарламаға сәйкес мемлекеттік тілге байланысты слайдтар мен бейнероликтер көрсетілді.