Әскери қызметшілер дабыл бойынша көтерілді

Әскери қызметшілер дабыл бойынша көтерілді

ҚР Қорғаныс министрі генерал-майор Н.Ермекбаевтың бұйрығы бойынша Қарулы Күштердің құрамалары мен әскери бөлімдері «Айбалта – 2019» ірі ауқымды стратегиялық командалық-штабтық оқу-жаттығуының өткізілуі аясында оқу белгісі бойынша көтерілді.  

Оқу-жаттығудың негізгі мақсаты әскери басқару органдарының үйлесімділігін жетілдіру, әскерлердің далалық машығын арттыру және әскерлерді басқаруда штабтар мен командирлердің тұрақты практикалық дағдыларын шыңдау болып табылады.  Оқу-жаттығудың маневріне шамамен 8000 әскери қызметші және 2000-нан аса бірлік қару-жарақ пен әскери техника, майдандық және армиялық авиация тартылды. Оған Құрлық әскрелері, Әуе қорғанысы күштері, Арнайы операциялар күштері, арнайы әскерлер мен материалдық-техникалық қамтамасыз ету бөлімдері мен бөлімшелері қатысты.

Стратегиялық командалық-штабтық оқу-жаттығуға қатысушылар құрамдастырылған тәсілмен, өз жүрісімен, теміржол көлігімен, әскери-көлік авиациясының ұшақтарында көрсетілген ауданға қозғалыс жасап, белгіленген ауданға шоғырланып, оқу-жауынгерлік тапсырмаларды орындауға кірісті.   Әскерлердің теміржол көлігімен қозғалуы үш бағыт бойынша жүзеге асырылды. Оған 20-дан аса әскери эшелон жұмылдырылды. 8 лек құрамында автомобильді көлікпен 400-ден аса бірлік әскери техника марш жасады. Қозғалыстың ұзындығы 300-ден бастап 1000 шақырымнан асады. Оқу-жаттығудың өткізілуі орнында шынайы жауынгерлік іс-қимылдарға жақындатылған заманауи қарулы қақтығыстар тәжірибесін ескере отырып, жағдай модельденді. Оқу-жаттығудың өткізілу ауданында «Көктал» полигонында материалдық-техникалық қамтамасыз етудің орталық базасы өрістетілді. Онда азық-түлік, киім-кешек және техникалық мүлік, жанар-жағармай материалдары, әскерлер топтамасының жауынгерлік қызметінің қажеттілігі үшін оқ-дәрілерге арналған қоймалар жасалған. Сондай-ақ  жоғары технолоиялық модульдермен жабдықталған жылжымалы мобильді әскери-далалық госпиталь өрістетілді.   «Айбалта – 2019» стратегиялық командалық-штабтық оқу-жаттығуы Алматы облысының «Көктал» оқу-жаттығу полигонында өткізіліп жатқанын және ағымдағы жылғы 3 мамырға дейін жалғасатынын айта кету қажет.  Ауқымды оқу-жаттығудың өткізілуі әскерлердің далалық машығының деңгейін арттыру ісінде кезекті қадам болмақ.


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!

Жүгіртпе / Лента

Әлемнің ең үздік 10 танкісі

Әлемнің ең үздік 10 танкісі

Семь граней Великой степи

Семь граней Великой степи