QR Qarýly Kúshterinde esirtki men toksıkomanııanyń aldyn-alý aıasynda «Shyǵys» óńirlik qolbasshylyǵynyń 44793 áskerı bóliminde shara ótti.
Semeı óńirlik garnızony áskerı polıtsııa jasaǵynyń ákimshilik tájirıbe bólimshesiniń bastyǵy ádilet kapıtany N.Zanqanov, ákimshilik bólimshe ofıtseri aǵa serjant T.Bazylov, Semeı qalasy narkologııalyq dıspanserdiń emhana meńgerýshisi Rysgúl Baltaqaeva ishimdik ishý, esirtki jáne ýly zattardy paıdalaný jaǵdaıynda bolatyn quqyq buzýshylyqtar men qylmystardyń aldyn-alý máselesin qozǵady. Spırttik ishimdikterdi, esirtki jáne ýly zattardy paıdalanýdyń zardaptary týraly paıdaly málimetterge toly beınebaıan kórsetti. Statıstıkalyq derekterge de jan-jaqty toqtaldy. Ótken jyldarda esirtki zattaryn paıdalanǵany jáne taratqany úshin qylmystyq jaýapkershilikke tartylǵan Semeı garnızonynyń áskerı qyzmetshileri jaıynda birqatar mysaldardy da keltirdi. Salaýatty ómir saltyn saqtaý – durys ómir súrýdiń súbeli qaǵıdasy ekeni jan-jaqty jetkizildi.
