ҚР Қорғаныс министрінің бірінші орынбасары – Бас штаб бастығының бұйрығымен 55765 әскери бөлімінің Далалық байланыс торабы (ҚР ҚМ БШ ДБТ) Ақмола облысы Аршалы ауданы аумағындағы Жібек жолы округіне қоныс аударды.
Далалық байланыс торабының жеке құрамы төрт қабатты әкімшілік ғимараттың 1-2-қабаттарына орналастырылды. 2016 жылдың 25-қаңтарынан бастап Далалық байланыс торабының бастығы полковник Мейрам Хамзин мен оның жеке құрамы өз жұмыстарын бастады. Онда тәулік бойы ғимаратты күзететін келісімшарт бойынша әскери қызметшілер кезекшілікке қойылды. Сонымен қатар 55765 әскери бөлімінің қолдауымен техникалық жабдықтарды сақтайтын қоймалар, техниканы жөндеу, жуу, қызмет көрсету пункттері, саптық плац, спорттық комплекс, бақылау өткізу және техника пункттері үшін күрделі құрылыс 2017-2018 жыл аралығына жоспарланып отыр.
Гауһар Аяпбергенова
