Кеңес Одағының Батыры генерал-майор Сабыр Рахымов атындағы «Жас ұлан» мектебінде «Генерал Сабыр Рахымовтың ерлік жолдары» тақырыбында мектепішілік тарихи-танымдық кеш өтті. Ғылыми жоба үйірмесінің жетекшісі Г.Пазылованың ұйымдастыруымен өткен шара генералдың туған күніне арналды.
Кеште батырдың курсант кезінен бастап, Ұлы Отан соғысы жылдарында жасаған ерліктері мен азаматтық-адамгершілік болмысы, сонымен қоса жауға қарсы тұрып, қаза тапқанға дейінгі сәттері көрініс арқылы бейнеленді. Өмірі жайлы деректер келтіріліп, «Ер есімі – ел есінде» айдары бойынша батыр есімімен аталатын естеліктер баяндалды. Кешке қатысқан мектеп басшылығы мен қонақтар ұландардың өнерлеріне тәнті болып, генералдың бейнесімен қауышқандай әсерде болды.