30153 әскери бөлімінің жеке құрамы Ақтау қаласындағы оқу-жаттықтыру ұшуларына қатысты. Әскери ұшқыштар Ми-8 тікұшақтары мен 4-ші үлгідегі Су-27 ұшақтарында жаттықты.
Берілген тапсырмаларға байланысты әскери қызметшілер әртүрлі жаттығуларды, яғни, ұшу, қону аймақтарындағы іс-қимылдарды пысықтады. Қысқы жағдайлардағы ұшулар ерекше күрделілікпен айрықшаланады. Төменгі температураға байланысты ұшу аппаратының мұздануы ықтимал, ал қар жабыны жерде бағдарлауға қиындық туғызады. Ұшу аппараттарын қыздыратын инженерлік-техникалық құрамның да тапсырмалары күрделенеді. Алайда, күрделі жағдайлардағы ұшулар әскери нұсқаушылар оқып-үйрететін ұшқыштардың дағдысы мен шеберліктерін бір қалыпта ұстап тұру үшін қажет.
«Оқу-жаттықтыру ұшулары күндіз-түні жүзеге асырылады. Ол қарапайым және күрделі метеорологиялық жағдайларға байланысты болады. Аптасына құрам кем дегенде үш рет ұшады», - деп Әскери-әуе күштері қолбасшысының тәрбие және әлеуметтік-құқықтық жұмыстар жөніндегі орынбасары полковник Еркін Жұмағалиев атап өтті.
Жаттықтыру ұшулары сонымен қатар оқу-жаттығу базасында жүзеге асырылады. МиГ-25, МиГ-29, Су-27 ұшақтарында екінші курстан бастап Әуе қорғанысы күштері Әскери институтының курсанттары оқиды.
Ұшқыштардың психологиялық және дене даярлығы да аса маңызды. Сондықтан ұшу алдында олар міндетті түрдегі медициналық тексеруден өтеді.
