Әскери қызметшілер тұратын «Юность» мөлтекауданындағы көп қабатты тұрғын үйлердің ауласында мұз айдыны ашылды.
Мұз айдынын 54835 әскери бөлімінің жеке құрамы Шығыс өңірлік әскери прокуратурасының қолдауымен жасады. Көк айдынның беті бірнеше мәрте тегістеліп, маңайы қар үйінділерімен қоршалды. Бұл ауыз толтырып айтарлықтай үлкен мұз айдыны емес. Дегенмен, әскерилер көп шоғырланған мөлтекауданның балалары үшін қыстың күндерін көңілді өткізетін ойын алаңы болды. Бұл жерде коньки теуіп сырғанап, хоккей ойнауға да болады. Мұз айдынының күтімін әскери бөлім қадағалайды.