ҚР Қарулы Күштеріне - 25 жыл

Ресейде ҚР ҚК-нің материалдық-техникалық қамтамасыз ету жүйесін жетілдіру мәселелері талқыланды

Ресейде ҚР ҚК-нің материалдық-техникалық қамтамасыз ету жүйесін жетілдіру мәселелері талқыланды

ҚР Қорғаныс министрінің орынбасары генерал-майор Талғат Жанжүменовтің жетекшілік етуімен ҚР Қарулы Күштері делегациясының Ресей Федерациясына ресми сапары жүріп жатыр.

Сапар мақсаты Қазақстан Республикасы Қарулы Күштерінің материалдық-техникалық қамтамасыз ету жүйесін жетілдіру мәселелері бойынша тәжірибе алмасу, сондай-ақ әскери-техникалық ынтымақтастықтың өзекті мәселелерін шешу.

Жұмыс сапары шеңберінде Ресей Федерациясының Қорғаныс министрі армия генералы Д. Булгаковпен кездесу өтті. Одан басқа, ҚР ҚК-нің делегациясы армия генералы А. Хрулёв атындағы Материалдық-техникалық қамтамасыз ету әскери академиясының қызметімен танысып, Ресей ҚК-нің материалдық-техникалық қамтамасыз ету бөлімшесіне барды.

Әскери-техникалық ынтымақтастықты әрі қарай тереңдету мақсатында Ресейдің әскери-техникалық ынтымақтастық жөніндегі Федералдық қызмет директорының орынбасары В. Дрожжовпен, әскери-өнеркәсіп кешенінің жекелеген ресейлік кәсіпорындарының басшылығымен кездесу  өткізілді. Сонымен бірге, Елбасы – ҚР Тұңғыш Президенті атындағы Ұлттық қорғаныс университеті және армия генералы А. Хрулёв атындағы Материалдық-техникалық қамтамасыз ету әскери академиясы арасындағы ынтымақтастық туралы меморандум жобасын талқылау жоспарланған. Аталмыш меморандум қол қойылғаннан кейін ғылыми-техникалық және ғылыми-педагогикалық негіздерде материалдық-техникалық қамтамасыз ету аясындағы ынтымақтастыққа арналған негіз болады.

Сапар ағымдағы жылғы 24 мамырда аяқталады. 


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Инфографика: полная картина военного парада 2017 в Астане

Инфографика: полная картина военного парада 2017 в Астане