Қытайда суға жедел қонып-ұшуға бейімделген әлемдегі ең үлкен гидроұшақ ресми таныстырылды.
AG-600 жобасын жасауға мамандар 7 жылын сарп еткен. Ол өрт сөндіру және теңіздегі іздеу жұмыстарын жүргізуге өте қолайлы. Алып әуе көлігі борттағы 50 адаммен теңіз айдынына оңай қонуға және 12 тонна суды небәрі 20 секундта сорып алуға қауқарлы. Ал шекті ұшу ұзақтығы – 4 жарым мың шақырым. Сонымен қатар гидроұшақты мұхиттағы жағдайды зерттеп-зерделейтін арнайы құрылғымен жабдықтауға да болады.