Ирак әскері лаңкестерден Мосулдың оңтүстік шығысында орналасқан ежелгі Нимруд қаласын азат етті.
Тарихи шаһарды босату операциясы кеше түнде басталды. Әскерилер қала маңындағы 9 ауылды өз бақылауына алды. Қазір үкімет жасақтары Мосулға шабуылдарын жалғастырып, оны артиллериядан атқылап жатыр.
Жаяу әскерге Құрама штаттардың әуе күштері қолдау көрсетеді. Жалпы «Ирак пен Левант лаңкестік ұйымының» қорғанына айналған Мосулды азат етуге ондаған мың жауынгер тартылған. Ал шаһарда 4 мыңнан 8 мыңға дейін содыр бекінген. Сонымен қатар 700 мың бейбіт тұрғын бар.