Көңілашар: Әскери әзілдер

“Лавровый лист” деген жапырақ…

Командир бөлімге жаңа келген жауынгерлерден:

– Қалай, қарындарың аш емес пе? – деп сұрайды.

– Тіптен артылып та қалады!

– Қалатын не нәрсе?

– “Лавровый лист” деген жапырақ…

 

Әскери құпия

Майор сержантқа:

– “Біздің командир болбыр” деп лақап таратып жүрген сен бе? – деп дүрсе қоя бергенде:

– Ондай әскери құпияны таратуға болмайтынын мен жақсы білемін, жолдас майор, – деген екен анау.

 

Хат

Баласын әскерге шығарып салып тұрып шешесі:

– Ондағы шындықты айтып хат жаз, – дегенде:

– Е, онда жазылған хатты тексереді, – деп қалады атасы.

– Онда егер жағдайың жақсы болса – көк сиямен жаз да, ал қиындық боп қиналып жүрсең – қызыл сиямен анау-мынауды сүйкеп жіберсең, мен барып бір жағына шығамын! – дейді шешесі.

Содан біраз өткенде балаларынан: “Бізде бәрі жақсы. Тек нашары – бұнда қызыл сия емге табылмай қор қылуда…” деп хат келген екен.

 

Көрмей қалам

Прапорщик қатардағы жауынгерге:

– Бір құлағыңды кесіп тастаса не болады?

– Есітпей қалам.

– Екеуін де кесіп тастаса ше?

– Көрмей қалам.

– Е неге?

– Каскам түсіп, көзімді жауып қалады.

 

Иди сюда

Бір күні ауылдың баласы әскерден келіпті.

Көптен көріспеген досы сұрап жатыр дейді:

– Сен әскерге барып орысша үйреніп келдің ба?

– Иә!

– Бір орысты шақыру үшін не деп айтам.

– Иди сюда.

– Ал егер кет десем ше?

– Ар жағынан айналып барып «Иди сюда» дейсін, - деген екен.

 

Жапырақты көрмейсің бе?

Сарбаз келе жатыр. Оған қарама-қарсы маршал келеді. Сарбаз құрмет көрсетпей өтіп кетеді. Маршал:

– Сарбаз, неге құрмет көрсетпейсің?

– Кешіріңіз, жолдас лейтенант!

– Сен не, дәреже ажырата алмайсың ба?

– Ой, кешіріңіз, жолдас полковник!

– Сарбаз, сен не, жапырақты көрмейсің бе?

– Немене? Орманшы? Кет әрі!

 

 

Екі шалдың әңгімесі

– Соғыста мен ұшқыш болдым.

– Жақсы болыпты ғой.

– Несі жақсы болды дейсің? Бірде жау тылына барлауға ұшып бара жатқанда, самолетімді атып түсірді.

– Ой, жаман болған екен.

– Несі жаман болды дейсің, парашютпен секіріп кеттім.

– Е, жақсы болған екен.

– Несі жақсы болды дейсің, қырсыққанда парашютім ашылмай қойды.

– Туһ, жаман болған екен.

– Несі жаман болды дейсің, бағым бар екен, шөмеле шөптің үстіне бірақ түстім.

– Е-е, ол жақсы болыпты ғой.

– Несі жақсы болды дейсің, жан-жағыма қарасам, немістер қоршап алыпты.

– Бәлі, бұл енді жаман болған екен.

– Несі жаман болды дейсің, автоматым бар болатын, бәрін қырып тастадым.

– Бәрекелді, жақсы болған екен.

– Несі жақсы болды дейсің, есімді жисам, бәрі өз адамдарымыз екен...


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

"Глаза разведчика": оптические приборы казахстанского производства

"Глаза разведчика": оптические приборы казахстанского производства