«28 панфиловшы» фильмі прокатта көш бастады

«28 панфиловшы» фильмі прокатта көш бастады

Қазақстан мен Ресей бірлесіп түсірген «28 панфиловшы» фильмі Қазақстан аумағында бірінші аптадағы есеп бойынша 30 миллион рубльден астам қаржы жинады, деп хабарлайды ҚазАқпарат тілшісі «Қазақфильм» баспасөз қызметіне сілтеме жасай отырып.

«Көрермендер қызығушылығының артуына байланысты фильмнің екінші аптадағы прокаты табысты болады деп күтіп отырмыз», делінген хабарламада.  Еске сала кетейік, «28 панфиловшы» көркем фильмін Қазақстан Республикасы Мәдениет және спорт министрлігі, Ш.Айманов атындағы «Қазақфильм» АҚ, Ресей Федерациясы Мәдениет министрлігі қатысуымен «28 панфиловшы» тәуелсіз студиясы (Санкт-Петербург, Ресей) түсірген.

Айта кетейік, генерал Панфиловтың 316-шы атқыштар дивизиясының 28 жауынгері туралы түсірілген фильмнің негізгі сомасын краудфандинг арқылы жинаған. Қаржыны жинауға 35 мыңнан астам адам қатысып 34,7 миллион рубль жиналған. Сондықтан да фильм «халықтық кино» аталып отыр.

 Фильмге жұмсалған қаражат 150 миллион рубльді құрайды.  Ресейлік «Кинозалдардағы көрсетілімдер туралы мағлұматты беретін Федералды бірыңғай автоматтандырылған ақпараттық жүйенің» ақпараты бойынша 30 қарашаға «28 панфиловшы» фильмінің Ресейдегі көрсеткіші 209,8 млн. рубльді құрап, 878 944 көрермен көрген.

 Осылайша, соғыс тақырыбына Қазақстан мен Ресей елдері бірлесе түсірген фильмнің прокаттағы бірінші аптада жинаған сомасы оған жұмсалған қаржыдан асып түсті. «28 панфиловшы»  1941 жылы Алматыда жасақталған генерал Панфиловтың 316-атқыштар дивизиясының ерлігіне арналған алғышқы бірлескен жоба. 
Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Инфографика: основные причины ДТП

Инфографика: основные причины ДТП