Аты аңызға айналған Бразилия футболшысы Пеле Рио Олимпиадасының ашылу салтанатына қатысады, деп хабарлады UOL порталы.
Нақтырақ айтқанда, 5 тамыз күні «Маракана» стадионында өтетін Олимпиаданың ашылуында Пеле қандай рөлде ойнайды, ол жағы әзірге белгісіз. Себебі, салтанатты шарадағы қойылымдар сценарийі өте құпия. Алайда, UOL сайтының айтуынша, 75 жастағы Пеле Олимпиада - 2016 ойындарының алауын тұтандыруы мүмкін.
