Жуырда Зайсан ауданының қорғаныс істері жөніндегі бөлімінің ұйымдастыруымен аудандық әскери патриоттық және спорттық айлық шаралар аясында «Қазақстан Республикасының Тәуелсіздігінің 26 жылдығына – «Қарулы Күштердің 25 жылдығына – жоғары жауынгерлік дайындық!» әскери қолданбалы өнер сайысы өткізілді.
Сайыстың мақсаты мектеп оқушыларының бойында әскери-патриоттық сезім қалыптастыру, Отанына, туған жеріне деген сүйіспеншілігін арттыру, Отан алдындағы борышын, жауапкершілігін толық түсінуге, интернационалист-жауынгер рухында тәрбиелеу болып табылды.
1-орынды Ю.Гагарин атындағы орта мектебі, 2-орынды Шілікті орта мектебі, 3-орынды Х.Мұстафина атындағы мектеп-лицейі және 4-орынды Айнабұлақ орта мектебі иеленді. Бірінші орын алған команда аудандық мәдениет тілдерді дамыту, дене шынықтыру және спорт бөлімінің Кубогімен және мадақтау қағаздарымен марапатталды.
Сайыс соңында Ардагерлер кеңесінің төрағасы сөз алып, болашақ жауынгерлерге Отан алдында борышын, міндеттерін адал атқаруға, сонымен қатар жас бозбалалардың патриоттық сезімін арттыру мақсатында әскери қолданбалы өнер сайысы өткізіліп отыратынына алғысын білдірді.
