Өскеменде Лондон – 2012 чемпионы, Спорт комитеті – Армия орталық спорт клубының спортшысы майор Ольга Рыпакова атындағы жеңіл атлетикалық манежде жеңіл атлетикадан Қазақстан кубогы өз мәресіне жетті.
Еліміздің түкпір-түкпірінен 200-ден аса мықты атлетші жеңіл атлетиканың өз бағытында барлық шеберліктерін көрсету үшін турнирге шықты. Сәредегі қызу бәсекеде 3000 метр қашықтықтағы сайыс аяқталды. Жүгіру қорытындысы бойынша армиялық атлетші, әскери көпсайыстан АОСК командасының спортшысы Құдайберген Зейноллаев күміс медальді жеңіп алды. «Бұл маусымдағы менің алғашқы додам. Қашықтықты жақсы, яғни, 8:43 минутта жүгіріп өттім. Жеңіске сәл-пәл жетпей қалды. Жақсы бастадық деп ойлаймын. Енді бізді қаңтардың 22-і мен 24-і аралығында Өскеменде өтетін чемпионатқа жаттығу дайындықтары күтіп тұр», - деді Зейноллаев.