Германияның Саарбрюккен қаласында дзюдодан өтіп жатқан Еуропа кубогінде 60 келі салмақта өнер көрсеткен ҚР ҚМ Армия орталық спорт клубының спортшысы ефрейтор Ғұсман Қырғызбаев қола жүлдегер атанды.
Байрақты бәсекеге 29 елден 400-ден астам спортшы қатысты. Ғұсман Еуропа Кубогында бес кездесу өткізді.
Іріктеу кезеңінде Бельгия, Германия және Голландия елінің балуандары отандасымызғы қарсы келді. Өз кезегінде Ғұсман жеңіске жетті. Жартылай финалда тағы бір Германиялық Моритс басымдылық танытты. Қола жүлде үшін күресте балуанымыз Ресейлік Гайрбеков Гамзатты тізе бүктірді.