Ұлан-Батырда (Моңголия) 23 жасқа дейінгі жас санатында күрестен алғашқы Азия чемпионаты өз мәресіне жетті. Оның қорытындысы бойынша АОСК-ның спортшылары Марина Седнева, Ирина Кузнецова, Эллада Махияддинова жүлдегерлер үштігіне кірді.
Сайыс еркін және классикалық стильде өтті. Чемпионатқа барлығы әлемнің 9 елінен 260-тан аса мықты спортшы қатысты. Әйелдер күресінен сайыс барысында Марина Седнева (55кг) алтын медаль, Ирина Кузнецова (62 кг) «күміс», Эллада Махияддинова (53кг) қола жүлдені иеленді. Чемпионат қорытындысы бойынша Иран құрамасы (200 ұпай) жалпы командалық орынды, әрі қарай Моңғолия (177 ұпай) және Қазақстан (147 ұпай) еншіледі.