AOSK-nyń sportshylary «Grand Slam» halyqaralyq týrnırine qatysatyn dzıýdodan Qazaqstan ulttyq qurama komandasynyń quramyna kirdi. Saıys Parıjde aqpannyń 9-y men 10-y aralyǵynda ótedi.
Týrnırge álemniń 100 elinen tatamıdiń 633 sheberi qatysady. Qazaqstan Qarýly Kúshteriniń namysyn armııalyq sportshylar efreıtor Ǵusman Qyrǵyzbaev (-60 kg) jáne AOSK merzimdi qyzmettegi áskerı qyzmetshisi Erasyl Qajybaev (+100 kg) qorǵaıtyn bolady.
QR Qorǵanys mınıstrligi Sport komıteti shtattyq komandalardy daıarlaý ortalyǵynyń bas bapkeri maıor Muhıt Asylbekov bıylǵy jyly Parıjdegi týrnır alǵashqy bolyp tabylatynyn atap ótti. Saıysta álemniń myqty dzıýdoshylary bas qosady. Jattyqtyrý protsesi kezindegi armııashylardyń joǵary daıyndyǵyn eskere otyryp, biz keremet nátıjeler kórsetýge tyrysamyz.
