Егер соңғы бес Азия чемпионатының нәтижесін есепке алар болсақ, Қазақстан жеңіл атлеттері 10 алтын, 8 күміс, 17 қола медаль жеңіп алған екен.
4 алтын медаль – 2007 жылғы жарысқа тиесілі. 2009 жылы 2 алтын медаль алсақ, 2011 жылы – 1 алтын, 2013 жылы қайтадан 2 алтын медальға қол жеткіздік. Соңғы бес Азия чемпионатының қорытындысын еліміздің аймақтары бойынша саралайтын болсақ, бұл тұрғыда Шығыс Қазақстан облысының жеңіл атлеттері алда тұр. Олардың еншісінде 2007 жылдан бері 4 алтын, 1 күміс, 2 қола медаль бар.
Лондон олимпиадасының чемпионы Ольга Рыпакованың өзі 2007 жылдан бері үш рет бас жүлде алыпты. Яғни, шығысқа тиесілі 4 алтын медальдің 3-еуі Рыпаковада. Осылайша, армия спортшысы, капитан Ольга Рыпакова аймағының да абыройын арттырып, олжаға кенелтіп жүр. Жерлестері де, біз де оны мақтан тұтамыз.