Қорғаныс министрлігі және Астана қаласының жаңадан ашылған Байқоңыр ауданы әкімшілігінің қолдауымен Қазақстан Республикасының Қарулы Күштерінің Әскери-патриоттық орталығында 12 сәуір – Ғарышкерлер күніне орай әсем де, әсерлі мағыналы кеш өтті.
Кеш қонағы ретінде тұңғыш қазақ ғарышкері, халық қаһарманы – генерал-майор Тоқтар Аубакиров арнайы шақырылған болатын. Мерекенің көркін келтіріп, біздің армия генералы С.Қ.Нұрмағамбетов атындағы «Жас ұлан» республикалық мектебінің ұландары да бұл концерттің алдыңғы қатарында бой көрсетті.
Мәнді де, мағыналы бүгінгінің қаһармандарына арналған бұл іс шараның болашақ ұрпақ үшін тәрбиелік мәні өте зор болды.
Ұлан Н.Мұхамет