«Сұңқар» Қазақстан-Ресей зымыраны 2025 жылы пайдалануға беріледі

Байқоңыр айлағында негізгі ғарыш кемесіне айналуы тиіс Қазақстан мен Ресейдің бірлескен «Сұңқар» зымыраны 2024 жылы құрастырылып бітеді. Бұл туралы РИА Новости агенттігі "Известия" басылымына сілтеме жасап хабарлауда.

«Роскосмос» мемлекеттік корпорациясы ұсынған жоба сипаттамасында атап көрсетілгеніндей, ғарыш кемесін сынау 2024 жылы басталмақ. Ал 2025 жылы «Сұңқар» коммерциялық пайдалануға беріледі. Осыдан соң, «Роскомос» гептилмен ұшырылатын Протон-М ракеталарын қолдануды доғарады.

Қазақстандық серіктестер корпорацияның ұсынысына келісімін беріп отыр, деп хабарлады басылымға «Қазғарыш» агенттігіне жақын дереккөздердің бірі. Дегенмен жаңа ракетаның ұшырылуына қажетті жаңа инфрақұрылымның құрылысына қатысты сауалдар әлі де өзекті.

«Қаражат жағы негізінен Қазақстан тарапынан болғандықтан, бұл мәселенің қаржылық жағы талқылануда. Есептеу жұмыстары жүргізілуде. Бірақ идея деңгейінде бұл бізге ұнайды», - деп келтіреді дереккөздің сөзін басылым.

Қазақстан мен Ресей экологиялық таза «Бәйтерек» зымыран-тасығышын ұшыру бойынша жұмыстарды атқарып келеді. Бұрын хабарланғанындай, «Роскосмос» «Бәйтерек» кешенінің жаңа форматтағы әріптестігін дамытуды ұсынды. Ресей тарапы Қазақстан үшін «Зенит» зымыранының барлық жақсы қырларын алатын жаңа экологиялық таза зымыран құрастырып береді. Ал Қазақстан жағы зымыран ұшырылатын инфрақұрылымын дайындауы тиіс.

Басылым мәліметтері бойынша, ракетаның құрылысына қажетті қаржы 2016-2025 жылдарға арналған Федералдық ғарыш бағдарламасы аясында бөлінеді.

Ракетаның құрылысын Самаралық «Прогресс» ғарыш орталығы жүргізеді. Оған Хруничев орталығы мен Макеев атындағы зымыран орталығы қолдау көрсетпек. 

 


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи