Қорғаныс министрлігінде ҚР Қорғаныс министрі Нұрлан Ермекбаевтің Үндістанның Қорғаныс министрі Нирмала Ситараман ханыммен кездесуі өтті.
Кездесу барысында тараптар қорғаныс пен бітімгершілік қызмет аясында екіжақты ынтымақтастық мәселелерін талқылады. Одан басқа, Қазақстан Республикасының Тұңғыш Президенті – Елбасы атындағы Ұлттық қорғаныс университетіне баруы шеңберінде Н. Ситараман ханымға заманауи мультимедиалық кешен және бағдарламалық қамтамасыз етумен жабдықталған Үндістан Республикасы Қарулы Күштері әскери өнерінің аудиториясы көрсетілді. Жасалған жағдай оқу үдерісін жаңа қырынан ұйымдастыруға, тыңдаушылар болсын профессорлық-оқытушылар құрамы болсын оны анағұрлым қарқынды және шығармашылық етіп жасауға мүмкіндік береді. Сапар қорытындысы бойынша үнді тарапы қорғаныс саласында Қазақстанмен ынтымақтастықты одан әрі тереңдете түсуге қызығушылығын білдірді.
