Астанада әскери ведомство басшысы Нұрлан Ермекбаев ҚР Қорғаныс министрлігінің Бас әскери клиникалық госпиталінде болды. Сапар барысында Қорғаныс министрі емдеу жағдайы және материалдық-техникалық базамен танысты.
Құрылған күннен бастап госпиталь әскери қызметшілерге медициналық қызмет көрсету саласында жоғары биіктіктерге қол жеткізді. Бүгінде госпитальда ең жоғары стандарттарға сай келетін медицпналық құрылғымен жабдықталған 6 диагностикалық және 16 клиникалық бөлімше жұмыс жасайды. Қазақстан Қарулы Күштеріндегі әскери медицина саласы жыл сайын сапалы жаңа деңгейге көтеріліп жатқанын айта кетейік. Білікті кадрларды дайындау, әскери-медициналық мекемелердің материалдық-техникалық базасының жетілдірілуі және әскери қызметшілерді емдеудегі жоғары сапа соның айқын дәлелі. Госпитальдің әскери дәрігерлері - бұл өз істерінің жоғары білікті, ғылыми дәрежелері мен жоғары санаттары бар мамандар, шеберлік сағаттарын өткізеді, медициналық оқу орындарында дәріс береді, сондай-ақ ай сайын медициналық қамтамасыз ету жүйесін және әскери медицина саласында әрі қарайғы ынтымақтастықты ұйымдастыру бойынша халықаралық конгресстерге қатысады.
