Нұрсұлтан Назарбаев Сәкен Жасұзақовтың жаңа қызметі туралы айтты

Нұрсұлтан Назарбаев Сәкен Жасұзақовтың жаңа қызметі туралы айтты
фото с сайта akorda.kz

Мемлекет басшысы Қорғаныс министрлігінің басшылық құрамымен кездесті. Кездесу барысында Нұрсұлтан Назарбаев Сәкен Жасұзақовтың Қорғаныс министрі лауазымына тағайындалғаны туралы айтып, қазіргі сын-қатерлердің алдын алу және оны жою ісіндегі әскердің айрықша рөлін атап өтті.

– Келесі жылы Қазақстан Қарулы Күштерінің құрылғанына 25 жыл толады, бұл еліміздің тарихындағы маңызды белес болып саналады. Әскер – егемендіктің басты кепілі. Өңірде және әлемде қалыптасқан қазіргідей күрделі кезеңде Қарулы Күштердің рөлі артып келеді. Халықаралық терроризмнің қауіп-қатерлері, гибридті соғыстар, белең алып келе жатқан қарулану бәсекесі ұлттық қауіпсіздік мәселелеріне баса көңіл бөлуге мәжбүрлеп отыр, – деді Қазақстан Президенті.

Елбасы айрықша назар аударуды қажет ететін бірқатар басым бағытты атап өтті.

– Әскери тәртіпті жетілдіру, әскери қызметшілерді әлеуметтік қамсыздандыру және Қазақстан әскерінің жауынгерлік даярлығын жоғары деңгейде ұстау жөніндегі жұмыстарды жалғастыру қажет. Қарулы Күштерді заманауи қару-жарақпен және техникамен жарақтандыра отырып, әскери дайындық мәселелерін одан да сапалы деңгейге жеткізу керек. Ол үшін барлық қажетті қаражат бөлінетін болады. Біз өзіміздің дамыған әскери-техникалық өнеркәсібімізді қалыптастыруға тиіспіз. Осыған байланысты, тиісті құрылымды арнайы корпорацияға немесе әскери-өнеркәсіптік кешен жөніндегі министрлікке айналдыру мәселесі қарастырылатын болады, – деді Мемлекет басшысы.

Нұрсұлтан Назарбаев тағы бір маңызды мәселе әскери қызметшілердің жаңа буынын қалыптастыру екенін айтты.

– Сол үшін тиісті оқу орындары, университеттер ашылды. Енді әскери қызметшілерді даярлау сапасын арттырумен айналысу керек, – деді Қазақстан Президенті.

Жаңа Қорғаныс министрі С.Жасұзақовты таныстырған Мемлекет басшысы  оның мол тәжірибесі мен кәсіби машығы бар екенін атап өтті.

Сондай-ақ Нұрсұлтан Назарбаев И.Тасмағамбетовке атқарған жұмысы үшін ризашылық білдіріп, елдің Премьер-Министрінің орынбасары лауазымына тағайындалуымен құттықтады. 

«Иманғали Нұрғалиұлы Тасмағамбетов менің айтқан тапсырмаларымды жақсы орындады. Менің Жарлығым бойынша премьер-министрдің орынбасары қызметіне келді. Ол осы қызметте де әділ болатынына және берілген тапсырмаларды толықтай орындайтынына сенемін. Иманғали Тасмағамбетовқа министрлікте атқарған жұмысы үшін алғыс айтамын, тек сәттілік тілеймін», - деді Нұрсұлтан Назарбаев.

Соңында Қазақстан Президенті қатысушыларға елдің қорғаныс қабілетін нығайту, Қазақстан армиясының жауынгерлік даярлығын арттыру ісінде табыс тіледі.


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!

Жаңалықтар жүгіртпесі

«Қарағай» мен «Ақтерек» станциялары

«Қарағай» мен «Ақтерек» станциялары

Инфографика: как в казахстанской армии работают над профилактикой правонарушений

Инфографика: как в казахстанской армии работают над профилактикой правонарушений