Генерал-майор М. Сатов: "Ата заңды сақтау - ел қауіпсіздігін қамтамасыз етудің кепілі"

н Алматыда ҚР Ұлттық ұланы «Оңтүстік» өңірлік қолбасшылығына қарасты 5571 әскери бөлімі базасында ұйымдастырылған оқу-әдістемелік жиыны аясында «Конституция - тұрақтылық кепілі және еліміздің қауіпсіздік қалқаны» тақырыбында дөңгелек үстел өтті.

Оған өңірлік қолбасшылық пен «Нұр Отан» партиясының  өкілдері, сондай-ақ әскери ардагерлер қатысты.

Өз сөзінде Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, генерал-майор Мұхаметқали Сатов еліміздің негізгі заңы - Конституцияның талаптарын сақтаудың маңыздылығына тоқталды.

«Егер біз демократиялық елде өмір сүргіміз келсе, біз заң талаптарын сақтауымыз керек. Заңды бұзу - берекесіздікке әкеп соқтырады. Біздің ата-бабаларымыз да Ұлы даланың белгілі бір заң талаптарын сақтай отырып өмір сүрген. Өйткені, сол заңдар мен бүгінгі Ата заңның негізгі өзегі - ол бірлікті сақтау. Біз соның арқасында жерімізді, тілімізді, мәдениетімізді сақтап қалдық. Яғни, Ата заңды сақтау - ел қауіпсіздігі мен тұрақтылығын қамтамасыз етудің кепілі. Біз күшті мемлекет болуымыз керек. Өйткені, әлемде қашанда күштіні сыйлайды, ал әлсізді аяйды», - деді М. Сатов.

 Бүгін басталған оқу-әдістемелік жиын 27 тамызға дейін жалғасады. Оған әскери бөлімдердің тәрбие және әлеуметтік-құқықтық жұмыстар бөлімшелерінің (топтарының) бастықтары мен жүйелес батальон командирлері, арнайы комендатуралар коменданттарының тәрбие және әлеуметтік-құқықтық жұмыстар жөніндегі орынбасарлары, барлығы  100-ге жуық адам қатысуда.

Жиынға Ұлттық  ұлан «Оңтүстік» өңірлік қолбасшылығы қолбасшысының тәрбие және әлеуметтік-құқықтық жұмыстар жөніндегі орынбасары, полковник Сабыржан Сүлейменов жетекшілік етуде.

«Оқу-әдістемелік жиын барлық өңірлік қолбасшылықтарда жыл сайын дәстүрлі түрде өткізіліп тұрады. Оны өткізудегі басты мақсат - тәрбиеші офицерлердің біліктілігін арттыру. Жиын барысында   еліміздегі саяси ахуал, идеология, мемлекеттік-құқытқтық дайындық бойынша дәрістер өткізіледі. Сондай-ақ, қатысушыларға сарбаздармен тиісті тақырыптарда сабақтарды қалай өткізу жолдары, әдістері үйретіледі. Бұдан басқа, қатысушылар заңдарды білу бойынша тест тапсырады және олардың дене даярлығы тексеріледі», - деді ҚР Ұлттық Ұланның ақпараттық баспа бөлімінің бастығы, полковник Қуаныш Қожахметов.


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

 Жаңа КАМАЗ жүк көліктері ұсынылды

Жаңа КАМАЗ жүк көліктері ұсынылды

Семь граней Великой степи

Семь граней Великой степи