Айдын Айымбетов Ақтөбеде космонавтика апталығын ашты

ҚР ғарышкер-ұшқышы, Халық қаһарманы Айдын Айымбетов Ақтөбеге екі күндік сапармен барды. Оның келуінің мақсаты - қалада адамның ғарышқа алғашқы ұшуының 55 жылдығына орайластырылған дәстүрлі космонавтика апталығын ашу.

Ол екі мәрте Кеңес Одағының Батыры Т. Бигелдинов атындағы Әуе қорғанысы күштері әскери институтының курсанттарымен және КСРО ғарышкер-ұшқышы, Кеңес Одағының Батыры Виктор Пацаев оқыған Алға қаласындағы №2 орта мектеп жастарымен кездесті.

Сондай-ақ Айдын Айымбетов облыс әкімі Бердібек Сапарбаевпен бірге физика-математика бағытындағы Назарбаев Зияткерлік мектебінде болып, оқушылармен кездесті. Құрметті қонаққа оқу сыныптарына экскурсия ұйымдастырылды және мектеп оқушыларының шығармашылық және ғылыми-зерттеу жұмыстары көрмесімен таныстырды.

Айдын Айымбетовті сегізінші сынып оқушысы Ләззат Данаева жасаған электр өрісі көмегімен ғарыш аппараттарын ұшыру жобасы қызықтырды. Мектеп оқушысы мұндай технологиялардың келешегі зор екеніне сенімді: массаның электр-магнитті үдеткіштері экономикалық көзқарас бойынша ғана емес, экологиялық қауіпсіздігі жағынан да тиімді. Назарбаев Зияткерлік мектебі оқушыларының ғылыми жұмыстарын көрген Айдын Айымбетов олардың білімдері мен оқуға ұмтылыстарына өзінің таңғалысын жасырмады.

«Ғарыш саласында зор әлеует бар. Соңғы кездері жер айналасы орбитасына әртүрлі эксперименттер жасаумен қатар Айға ұшуды қайтадан жалғастыру, сондай-ақ ғаламшараралық ұшырулар мәселелері алға қойылып отыр», - деді ғарышкер, ол жас қазақстандықтардың таланты мен білімдері елде космонавтиканы дамытудың басты құрамдасы болуы тиіс деген пікірін айтты.

Мектептің акт залында мектеп оқушыларымен кездесу болып өтті, ғарышкер-ұшқыш оларды толғандырған барлық сұрақтарға жауап қайтарды.

Бұдан кейін Т.Ахтанов атындағы облыстық драма театрында косммонавтика апталығының салтанатты ашылу рәсімі болды. Жиналғандар алдында сөз алған Айдын Айымбетов Ақтөбеде дәстүрлі түрде өткізіліп келе жатқан шара заманауи космонавтиканың жетістіктерін таратуда ғана емес, бұл саланы одан әрі дамытуда да маңызды екенін атап өтті.

Ақтөбеде ғарышкер-ұшқыш Айдын Айымбетов КСРО ғарышкер-ұшқышы, Кеңес Одағының Батыры Виктор Иванович Пацаевтың ескерткішіне гүл шоқтарын қойды. 


Көшірмеге қайта келу

Жүгіртпе / Лента

Парашютные системы Insider 300-S и Альфа-Аксиома

Парашютные системы Insider 300-S и Альфа-Аксиома

Токаев: "Необходимо повысить престиж воинской службы и мотивировать молодежь на выполнение воинского долга"

Токаев: "Необходимо повысить престиж воинской службы и мотивировать молодежь на выполнение воинского долга"