Шымкент республикалық «Жас ұлан» мектебінің бастығы полковник Г.Тулеушев пен Шымкент қалалық қорғаныс істері жөніндегі басқармасының бастығы полковник А.Шегебаевтың жетекшілігімен әскери қызметшілер Ұлы Отан Соғысының ардагері, Қазақстан Республикасының «Қазақстанның ең үздік адамдары» энциклопедиясына енгізілген Шымкент қаласының құрметті азаматы Анна Шаляны құттықтап барды.
А.Шаля Ұлы Отан соғысы кезеңінде байланысшы қызметін атқарған, жауға қарсы беттеп, қасық қаны қалғанша күрескен жауынгер. Соғыс аяқталған соң Үкіметке 25 жыл адал қызмет атқарған. Қазіргі таңда да, жастарды патриоттық тәрбие беруде өз еңбегін аямауда.
Кездесу барысында Анна Федоровна елдің өткені мен бүгіні турасында әңгіме-дүкен құрды. Сонымен қатар, мектеп басшылығы ардагер анамыздың өнегеге толы өмір жолы, даналыққа толы әрбір сөзі, батырлығы, еліне адалдығы кейінгі жас ұрпаққа үлгі боларлық бай тәжірибе екенін және де ақжаулықты аналардың алдында барша азамат мәңгі қарыздар екеніне тоқталып, шын көңілден құттықтауларын жеткізіп, сый-құрметтерін көрсетті.
Өз кезегінде батыр анамыз келген қонақтарына алғысын жаудырып, ризашылығын білдірді.
Ж.СЕЙДУЛЛА
Кездесу барысында Анна Федоровна елдің өткені мен бүгіні турасында әңгіме-дүкен құрды. Сонымен қатар, мектеп басшылығы ардагер анамыздың өнегеге толы өмір жолы, даналыққа толы әрбір сөзі, батырлығы, еліне адалдығы кейінгі жас ұрпаққа үлгі боларлық бай тәжірибе екенін және де ақжаулықты аналардың алдында барша азамат мәңгі қарыздар екеніне тоқталып, шын көңілден құттықтауларын жеткізіп, сый-құрметтерін көрсетті.
Өз кезегінде батыр анамыз келген қонақтарына алғысын жаудырып, ризашылығын білдірді.
Ж.СЕЙДУЛЛА
