Qazaqstan Prezıdenti Túrkistan qalasyn damytý jóninde keńes ótkizdi

Jıyn barysynda Memleket basshysyna Túrkistan qalasyn damytýdyń jospary men perspektıvalary jóninde málimdelip, oblys ortalyǵyn Shymkent qalasynan Túrkistan qalasyna kóshirýge qatysty tapsyrmalardyń oryndalýy týraly baıandaldy.

– Elimizde jańadan Túrkistan oblysynyń paıda bolǵany barshaǵa málim. Bul oryndy sheshim dep sanaımyn. Oblys ortalyǵy endi Túrkistan qalasyna kóshedi. Bul – barlyq jaǵynan da kúrdeli úderis, – dedi Qazaqstan Prezıdenti.

Elbasy Qazaqstan halqy úshin de, búkil túrki álemi úshin de Túrkistan qalasynyń tarıhı ári rýhanı máni zor ekenine aıryqsha toqtaldy.

– Bul – túrki halyqtarynyń kıeli mekeni. Sondyqtan munda jurt kóp keledi. Bul jerde kóptegen tanymal tulǵalar jerlengen, – dedi Nursultan Nazarbaev.

Keńeste Premer-Mınıstrdiń birinshi orynbasary A.Mamınniń Túrkistan qalasynyń aýmaqtyq damý tujyrymdamasy jónindegi baıandamasy jáne Túrkistan oblysynyń ákimi J.Túımebaevtyń ákimshilik-aýmaqtyq basqarý organdaryn jańa oblys ortalyǵyna kóshirý barysy jónindegi baıandamasy tyńdaldy. Atap aıtqanda, Qazaqstan Prezıdentine ınfraqurylymdyq jáne áleýmettik nysandar salý jospary, sondaı-aq qalany energıamen jáne sýmen qamtamasyz etýge qatysty usynylǵan sheshimder jóninde egjeı-tegjeıli málimet berildi.

Jıyn qorytyndysy boıynsha Úkimetke jáne oblys basshylyǵyna birqatar naqty tapsyrma júkteldi.


Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

Броньды машиналар кәсіпорны

Броньды машиналар кәсіпорны

БКМ "Барыс 8х8"

БКМ "Барыс 8х8"