Elbasy Astana qalasynyń aktıvimen keńes ótkizdi

Kezdesý aldynda qalalyq máslıhattyń sessıasy ótti. Onda depýtattar Astana qalasynyń jańa ákimi Baqyt Turlyhanuly Sultanovtyń kandıdatýrasyn biraýyzdan maquldady.

Nursultan Nazarbaev Á.Isekeshevti Prezıdent Ákimshiliginiń basshysy laýazymyna taǵaıyndalýymen quttyqtap, jańa jaýapty qyzmetine tabys tiledi.

Memleket basshysy Nursultan Nazarbaev Á.Isekeshevtiń kásibı biliktiligi men jeke qasıetterin atap ótip, onyń elordany damytý jolynda atqarǵan jumysynyń nátıjelerine toqtaldy.

Qazaqstan Prezıdenti Astana qalasynyń burynǵy ákimi Á.Isekeshevtiń sińirgen eńbegi jóninde aıtyp, qalanyń jańa basshylyǵynyń aldynda turǵan mindetterdi atap ótti.

– Men elorda ákimin taǵaıyndaý máselesine zor mán beremin. Qalany damytý isi, sonyń ishinde Astanadaǵy búkil nysandardyń qurylysy únemi meniń jeke baqylaýymda. Bul – men úshin mańyzdy basymdyq. Baqyt Sultanovtyń memlekettik basqarý isindegi tájirıbesi mol ári uıymdastyrýshylyq qabileti jetkilikti, – dedi Elbasy.

Jıyn barysynda Qazaqstan Prezıdenti Astananyń jańa basshylyǵy aldynda turǵan birqatar basymdyǵy bar mindetterdi atap ótti.

– Damýdyń jańa modelin engizý qajet. Innovasıany ilgeriletý jáne kreatıvti adamdardyń kóbeıýi úshin qolaıly orta qalyptastyrǵan jón. Sol úshin qalanyń 2050 jylǵa deıingi uzaq merzimdi damý strategıasyn ázirleý kerek, – dedi Nursultan Nazarbaev.

Elbasy «Astana» halyqaralyq qarjy ortalyǵynyń múmkindikterin paıdalana otyryp, Astanany iskerlik qarjy haby retinde damytýdy jalǵastyrý qajet ekenin aıtty.

Memleket basshysy jańa turǵyn úıler salý, turǵyndar úshin qolaıly jaǵdaı jasaý, áleýmettik nysandar turǵyzý máselelerine erekshe nazar aýdardy.

Sonymen qatar, Qazaqstan Prezıdenti qalanyń ınfraqurylymyn damytý qarqynyn saqtaýdyń jáne shahardy gazben qamtý úshin daıyndyq jumystaryn júrgizýdiń mańyzdylyǵyn aıtty.

Nursultan Nazarbaev elordanyń týrıstik áleýetin damytý isinde álemniń úzdik tájirıbelerin qoldanýdy tapsyrdy.

Elbasy qalanyń barlyq memlekettik qurylymdarynyń jumysyn transformasıalaýdy jalǵastyrý, kórsetiletin memlekettik qyzmet sapasyn arttyrý jáne sıfrlandyrý baǵdarlamasyn iske asyrý máselelerin Astanany odan ári damytýdyń basymdyqtary retinde erekshe atap ótti.

Sońynda Á.Isekeshev pen B.Sultanov senim bildirgeni úshin Nursultan Nazarbaevqa alǵys aıtyp, bas qalamyz ben búkil elimizdi damytý isine ózderiniń zor úlesterin qosatynyn jetkizdi.




Көшірмеге қайта келу

Құрметті оқырмандар!

Электронды пошта арқылы Қазақстан және әлем әскерлерінде болып жатқан оқиғалар, жаңа қару-жарақтар мен әскери техникалар жөніндегі ақпараттарды, әскери қызметшілердің ар-намыс, әскери борыш жайындағы керемет әңгімелерін оқу үшін біздің жаңалықтар жіберіліміне тіркеліңіз. Онда «Сарбаз» газеті мен «Айбын» журналындағы материалдар жарияланады. Сіз әр аптаның басында бірінші болып, әскери жаңалықтарды біле аласыз!
Пікірлер

Жаңалықтар жүгіртпесі

Броньды машиналар кәсіпорны

Броньды машиналар кәсіпорны

БКМ "Барыс 8х8"

БКМ "Барыс 8х8"