Қорғаныс министрінің бірінші орынбасары – ҚР ҚК Бас штабының бастығы генерал-лейтенант Мұрат Майкеев бастаған комиссия Үшарал, Талдықорған, Үштөбе және Сарыөзек гарнизондары әскери бөлімдері нысандарының дайындық деңгейі нәтижелерін тексерді.
Жұмыс сапары барысында комиссия әскери бөлімдер мен құрамалардың оқу-материалдық базасының жай-күйін, оқ-дәрілердің жүйелендірілу жүйесі мен жазғы пайдалану режиміне қару-жарақ пен әскери техниканы дайындау нәтижелерін тексерді. Одан басқа, ҚР ҚК Бас штабының бастығы гарнизондардың әскери бөлімдері мен құрамаларының жеке құрамымен кездесіп, әскерлердің жауынгерлік әзірлігін арттыру мәселелері бойынша нақты бағыттарды айқындады.