Ál-Farabı atyndaǵy QazUÝ jáne Úndistan Ulttyq kadet korpýsy arasyndaǵy yntymaqtastyq týraly Memorandým sheńberinde Ál-Farabı atyndaǵy Qazaq ulttyq ýnıversıteti áskerı kafedrasynyń stýdentteri Úndistan Respýblıkasyna bardy.
Sapar barysynda qazaqstandyq stýdentter Úndistan Respýblıkasynyń kúnine arnalǵan áskerı paradqa qatysty jáne Úndistannyń eń basty memlekettik merekesiniń toılanýyna arnalǵan ártúrli qabyldaýlarda bolyp qaıtty. Sondaı-aq Úndistan Prezıdenti, Premer-Mınıstr, Qorǵanys mınıstri, ÁTF qolbasshysy jáne Úndistannyń ózge de joǵary shendi tulǵalarymen kezdesýler uıymdastyryldy. Mundaı saparlar halqymyz arasynda dostastyqty nyǵaıtý, memleketimiz ben QR Qarýly Kúshteriniń ımıdjin arttyrýda mańyzdy qural bolyp tabylady.