Қызылорда қаласының әуе қозғалысын басқару орталығының жас офицерлер мен келісімшарт бойынша әскери қызметшілердің отбасылары мен тұрып жатқан үй- жайларына орталық басшылығымен бару ұйымдастырылып, олардың тұрмыстық жағдайларымен танысу жұмыстары жүргізілді.
Жас әскери қызметшілердің тұрып жатқан үй-жайларымен танысқан мамандар өздерінің оң бағасын берді. Жас әскери қызметшілерге отбасының құндылықтары және өскелең ұрпақ тәрбиесінің маңыздылығы жайлы түсіндіру өткізілді. Қызылорда қаласының әуе қозғалысын басқару орталығының әскери қызметшілердің отбасы мүшелерімен жұмысты ұйымдастыру жөніндегі қызметінің хатшысы отбасындағы бала тәрбиесі жөнінде түсіндіру жұмыстарын жүргізді.
Жас әскери қызметшілердің қызметтік және тұрмыстық шешілмеген мәселелерін орталық басшысы майор Нұржан Азбергенов және әскери қызметшілердің отбасы мүшелерімен жұмысты ұйымдастыру жөніндегі қызметінің хатшысы Гүлмира Садыкова қарап, оң бағытта шешілді.
Капитан Азиз Кұлымбетов
Қызылорда қаласы ӘҚБ орталығы, 36739 әскери бөлімі
