36739 әскери бөлімінде 2018 жылдың қауіпсіздік шараларын бұзудың және жол-көлік оқиғаларының алдын алу бойынша онкүндік өткізілді.
Аталған іс-шара аясында Алматы өңірлік гарнизоны Әскери полиция жасағының әскери автомобильдік полиция бөлімінің офицер-инспекторы майор Дархан Буранбаев, 36739 әскери бөлімінің басшылығымен бірлесіп бөлімнің барлық санаттағы жеке құрамымен «Қауіпсіздік шараларын бұзудың және жол-көлік оқиғаларының алдын алу» тақырыбында сабақ өткізді.
Сабақ барысында әскери қызметшілерге әкімшілік құқық бұзуға қатысты заңнамалардың талаптары және жол-көлік оқиғалары туралы көптеген статистикалық ақпараттар жеткізілді. Жеке құрамға «Әскери қызметшілерді әкімшілік жауапкершілікке тарту тәртібі туралы» Жаднамалар үлестірілді.
Майор Айбас Нұрғазиев
36739 әскери бөлімі