Талдықорған гарнизонының әскери соты «Талдықорған аймақтық әйелдерді қолдау орталығы» қоғамдық бірлестігімен бірлесіп, 54380 әскери бөлімінің әскери қызметшілерінің қатысуымен «Әйелдер құқықтарын қорғау» тақырыбында семинар-тренинг өткізді.
Іс-шараны орталықтың координатор-психологы О.Скобляшова және судья Е.Абдуллин өткізді.
Судья Е.Абдуллин өз баяндамасында «Гендер» сөзінің түсінігін және мағынасын түсіндірді. Гендерлік теңділік – ол әлем қоғамдастығында ерлердің және әйелдердің әлеуметтік теңсiздiгінің түйінді мәселесі екенін атап өтті.
О.Скобляшова бұл ерлер мен әйелдердің мінез-құлқын, сондай-ақ олардың арасындағы әлеуметтік өзара қарым-қатынасты айқындайтын, олардың әлеуметтік және мәдени нормалары мен рөлдерінің жиынтығы. Гендерлік талдау - әзірленіп жатқан және қолданыстағы дамыту жобаларының ерлер мен әйелдерге түрлі әсерін жүйелі түрде зерттеу. Ол саяси, экономикалық, әлеуметтік және басқа да факторлардың әйелдер мен еркектерге қалайша әсер ететінін көруге және салыстыруға мүмкіндік беретінін атап өтті.
Шараның соңында қатысушылармен әйелдердің рөлі және маңыздылығы, қоғамдық-саясат құрылымдарына қатысуы, Қазақстан Республикасы дамуы кезінде гендерлік теңділігінің түйінді мәселелері талқыланды.
