«2016 жыл – әскердегі құқықтық мәдениет жылы» аясында «Шығыс» өңірлік қолбасшылығының 27943 әскери бөлімінде жыл бойы атқарылған іс-шараларды талқылау отырысы өтті, деп хабарлайды Sarbaz.kz.
Бөлім командирінің орынбасары – штаб бастығы подполковник Сәбит Үркінбаев жетекшілік еткен отырыста «Қазақстан Республикасының Қарулы Күштерінде, өзге әскер мен әскери құрамаларда құқық бұзушылықты сауықтыру бағдарламасы» және заңдылық пен құқық тәртібін нығайту жөніндегі қабылданған шаралардың жағдайы қаралды.
Бөлім командирінің құқықтық жұмыстар жөніндегі көмекшісі – заң қызметінің бастығы әділет майоры Бейбіт Танцаров құқық бұзушылықтарға жол бермеу жолында ҚР Қарулы Күштерінің, басқа да әскери құрылымдардың құқық бұзушылықтардың алдын алу Жоспарының орындалуына көңіл бөлінді.
Қазақстан армиясының имиджін барынша ақпараттандыру, Отан қорғаушылар мен өскелең ұрпаққа құқықтық және әскери-патриоттық тәрбие беруді дамыту жөніндегі кең көлемді жұмыстарға әскерилердің әрқайсысы үлес қосуы керектігін тілге тиек етті.
